La granda kermeso
Kajto
Ni venis en Mondon, hazarde, pasie.
Ni tute ne trudis nin por la eniro.
La viv-karuselo nin svingas ebrie
Kaj lasas nin sobre sur brua foiro.
Ni flugas senzorge tra tempo junula,
Ni plugas tra agxo matura, regula.
La jaroj severe tik-tak-inventaras,
Gxis kvote kaj kvite kaj stumble ni staras,
Dum gurdas kaj vibras la vivo sen cxeso
Kiel kanto kaj kirlo de granda kermeso.
Ni lasas la Mondon, hazarde, hezite.
Nur kelkaj petegas pli baldaux eliri.
Tumulto de l' tagoj silentas subite,
Finita la strecxo sukcesojn aspiri.
Jam vanas subigxi al novaj postuloj,
Rikanas dubemo sardonaj speguloj,
Sed floro velkinta plensense odoras,
Pasintajn somerojn ni milde memoras,
Dum gurdas kaj vibras la vivo sen cxeso
Kiel kanto kaj kirlo de granda kermeso.
Comentários
Envie dúvidas, explicações e curiosidades sobre a letra
Faça parte dessa comunidade
Tire dúvidas sobre idiomas, interaja com outros fãs de Kajto e vá além da letra da música.
Conheça o Letras AcademyConfira nosso guia de uso para deixar comentários.
Enviar para a central de dúvidas?
Dúvidas enviadas podem receber respostas de professores e alunos da plataforma.
Fixe este conteúdo com a aula: